زمبوء
انطلاقا من الحقيقة العلمية و الحتمية التاريخية القائلة بأن(عدوك ابن كارك).....قام الأخ فهرنهايت بفقعى زمبوءا(و بالفصحى زمبوقا) من العيار التقيل لما زنقنى بالتاج بتاع (امتى تحس انك بتحب الدنيا).....مممممم....ماشى يا يا زعيم
:-إمتى باحب الدنيا ، إمتى يا واد يا محمد ، إمتى إمتى؟...........آه،خد يا سيدى
لما أكون مستلف عربية أبويا و أكون ماشى بيها فى الشارع و أقف عشان أعدى أى حد ماشى فيشاورلى بإيده شاكرا
لما أى عيان يدعيلى
لما أدخل البلوج بتاعى و ألاقى حد معبرنى بتعليق أو كلمة مديح.....و باكرهها جدا لماتطلعcomment deleted
لما أسمع أى تواشيح ساعة الفجرية
لما دكتورة امتياز أصغر منى بسنة تقوللى(حضرتك).....الاحترام حلو برضه
لما أمشى فى شارع فاضى الساعة 7 الصبح فى شهر يناير
لما أحد المنتديات طلب منى إنى أكون ضيفه فى لقائه الدورى الشهرى.....ما تفهمونيش غلط
لما بييجى فيلم الكيت كات فى التليفزيون
:-لما أتفرج على المشهد دة
ماهواللى بتشربه دة عشيش
حشيش؟
آه عشييييييييييييييييييييييييييييش
يا سعاد أنا شربت حشيش يا سعاد
لما أصحى نص الليل فى ليلة ساقعة عشان مزنوق و بعد أما أخلص أغسل إيدى بمية ساقعة و أرجع تانى تحت الغطا
لما أقرا رواية نقطة نور لبهاء طاهر
لما آكل سندوتش بطاطس صوابع طحينة بس من غير سلطة من عند البرنس
لما أسمع صوتها
لما أقعد أنا و نهى نغلس على مهاد خصوصا على الموضوع إياه.....واخد بالك ياد؟
(لما باسمع (أنا قلبى مساكن شعبية) و (أنا لحبيبى
لما أحس إن أبويا و أمى راضيين عنى
لما ألاقى واحد لا أعرفه و لا عمرى زرت البلوج بتاعه ضايفنى عنده
لما قابلت سعيد شعيب فى المترو ،و لما قابلت محمد بدرالدين فى المعرض
لما تامر حسنى اتقبض عليه
لما يبقى عندى نباتشية طويلة و مملة بس عارف إنى لما حاروح البيت حالاقيهم عاملين مكرونة و فراخ
لما باقعد على قهوة ليالينا فى شارع البورصة فى وسط البلد فى ليلة شتوية و انا باكتشف روعة العلاقة التبادلية بين الشاى الكشرى و المخلل(شفطة من الشاى وراها حتة مخلل،و هكذا دواليك).......و حاحبها أكثرلما أعرف أصل كلمة دواليك دى جه من أنهى داهية
لما أقرا رواية لخيرى شلبى أو الغيطانى أو القعيد
لما أسمع قصيد لنجم بصوته
(لما عبدالحليم على يضيع جون(مع إنى زملكاوى
لما مناخيرى تاكلنى و أهرش فيها
لما دخلت فيلم دم الغزال
(لما شفت منير و صلاح السعدنى فى مسرحية (الملك هوة الملك
لما البوست بتاعى اتنشر فى الدستور
كفاية كدة يا ريس و لا عايز كمان؟؟
:-أزمبأ مين.....أزمبأ مين.....أزمبأ مين؟.................آه
هوميروس
posted by هراءات منطقية @ ٩:٥٥ م
33 comments
33 Comments:
تصدق اني بعد لما قرأت كلامك حسيت ان فعلا في حاجات بتحصل لينا كلنا بتخلي الحياة محتملة رغم صغرها...بس الواحد يأخد باله!
شكرا يا دوك على الزمبئة
ربنا يقدرنى و ارد جمايلك دى علينا!
بس فعلا زى ما قالت ستيل بريذينج
فى حاجاه صغيره اوى بتخلى الحياه محتملة
ويمكن تكون الحاجات الصغيرة دى هى الى محلية حياتنا وملياها
يا دوك - حقيقى الحاجات اللى قلت عنها دى عسل و تخلى الواحد يحب الحياة ( مش فاهمه ايه ليلة حب الحياة اللى طالعين فيها كلكو دى)
أنا متفهمه كل اللى قلتو تقريبا بس الموضوع بتاع الزنقة و بعدين تغسل ايديك بميه ساقعة بعد ماتخلص فبكده تحب الحياة دى اللى مش جايباها - بس هتيجى ماتقلقش و مسيرى أفهم يعنى مالها الميه الدافيه فى الشتا؟؟؟؟؟
أما بالنسبة لكلمة دواليك فطلع تفسيرها عجيب أوى : بص كده
ويقال في اللغة العربية "دالت الأيام" أي دارت وتستخدم كذلك كلمة "دواليك" في صيغة لمعنى التداول. ويستعرض د. الأنصاري تطور المصطلح عبر التاريخ، ويقف عند رأي معروف لابن خلدون في أن من عوائد العرب السياسية "الخروج عن ربقة الحكم وعدم الانقياد للسياسة.. فهم متنافسون في الرئاسة وقل أن يسلم أحد منهم الأمر لغيره ولو كان أباه أو أخاه أو كبير عشيرته إلا في الأقل وعلى كره من أجل الحياء".
يادين النبى بقى الموضوع ده ماشى علينا من أيام ابن خلدون و كده؟؟
ده الموضوع طلع حلو و مفهوم و مش محتاج ضرب أمثله حتى لا نكون كالذى فسر الماء بعد الجهد ب أمبو
بس وحياتك أنا محتاجة حد يقولى أنا بقى يعنى "ربقة الحكم دى"
تشكر ياغالي علي التمرير
دواليك دي اعتقد انها مشتقة من دوالي المرئ زي ما قال العالم اللغوي الكبير ابوكرّات
عمل ممتاز
و ستل بريذنج
و الله فعلا.....تخيلوا الدنيا كدة من غير سندوتش بطاطس صوابع طحينة بس من غير سلطة....أكيد كانت حتبقى لا تحتمل
مانورة
يا ستى العفو....و لو عايزة زمابيق تانى ابقى قوليلى بس:)
أيوة خدامة
أولا مبروك عالمدونة....و بعدين فيه فرق جامد مابين المية الساقعة و المية الدافية فى الشتا،و من كتر ماهو معروف فأنا مش حاقولهولك:)
ثانيا شكرا علىالمعلومة،أما ربقة الحكم دى فسهلة خالص.....عشان كدة مش برضه حاضيع وقتى و اشرحهالك:)
هوميروس
العفو يا معلم
جديدة حكاية دوالى الرئ دى ...يا عينى عليك يا هوميروس .....يا مكيفة
ابن الشارع
شرفت البلوج....بس انت مكتئب قوى كدة ليه؟
زنبوء جميل
وخصوصا الحته بتاعه عبد الحليم على
انا باحس انه عايز يحط جون وانشالله الفريق يتغلب بعدها
عشان كده بافرح فى اهله لما يضيع
لما أمشي في الشارع الساعه 7 الصبح في يناير وأسمع أنا لحبيبي
والله باشا يادكتور
شكرا ع التمرير وهرد عليه
ويلا إياكش تولع
أزال أحد مشرفي المدونة هذا التعليق.
إيه الحلاوه دى ياعم
بجد الله يفتح عليك
أصل زنقة الشتا دى بتبقى صعبه قوى بس لزيزه
بس أنا ما أظنش ان الواحد ممكن يحب الدنيا علشان بيدخل فيها الحمام
ههههههههههههههه أجاباتك عسوله اوى بس قللى بقى انتا حسيت انك بتحب الدنيا لما تامر حسنى اتحبس؟ هههههههه ليه يبنى حرام عليك لأ أستنى حاجه كمان بقى بتحب الدنيا يافقرى انتا لما بتشرب شاى عالقهوه ومعاه مخلل؟ طب قول حاجه اغلى شويه مالمخلل......عالعموم ياسيدى مدام انتا كدا بتكون مبسوط يارب حياتك تبقى كلها مخلل وشاى وسندوتشات بطاطس وتامر حسنى يتعدم كمان ..اى خدمه
another guy you never knew and never visited his blog is giving you another reason to love life ya doc.
nice post, great blog, keep it up
عمالة ادور على كل اللى اتزمبؤا
علشان اعرف ليه الواحد ممكن يحب الدنيا
شكرا يا فندم
تفاصيل صغيرةولكنها جميلة وكويس انك قادر تحس بيها ...
شكرا على الزيارة بس كنت بطمح فى مشاركة مالم يكن هناك عائق..
تحياتى لك
عفوا لأنى لم أتعرف على كتاباتك إلا مؤخرا.. تحياتى لك جداا وعاوزة اقولك إن للمدعو عبد الله كمال موقع خاص لفضائحه اذا حابب تكمل الملف، طبعا لو كنت قريت البوست فى معاده كان حيبقى لطيف الا انى متأكده من ان تطاوله على الأستاذ هيكل أحد أهم رموزنا الصحفية ليست الأولى كما أنها لن تكون الأخيره، مايجعل ملفه مفتوحا قابل للاضافة دائما.
ده اسم الموقع ناس كتير طرقعت فيه للكوكو.. بالمناسبه ده اسمه الحركى
http://kokomule.jeeran.com.
batman said...
ana 7abait el 7ayah lama sebt masr .. oksem belah eni a3adt shahr henaa fe america kont ba7lam eni lessa fe masr we mesh ader atla3 menha we kont basara7' wna nayem men kedah ..we tes2alooni emta be7eb el 7ayah a2olokom..lama shoft merati mestanyani fel matar ...lama mesket awel moratab (men 3'aseel el se7oon )fe 7ayati we kan 3aliah el ema .. lama tala3at tasree7 el 3amal we mesket awel sho3'lana mo7tarmah ...lama shoft el talg beynzel le awel marrah fe 7ayati .. lama shoft manzar el gebal fe colorado we me3'ateeha el talg .. lama shoft el 3'zlan we heya me3adeya 3al bait elli ana feeh .. lama tele3et a3la gabal hena we salait rak3itain lel lah shokr .. lama akalt ana we meraty sandwtichat ta3meya hena fe denver le awel marra lama sebt masr.. lama gebt 3arabeya we tala3at el ro7'osah .. lama ro7ot ma7al be2alah 3arabi we eshtarait shay el wezah we kanakah met3'ateyah bel meena we ma3mool 7alwani el e7'wan we molo7'eyah we wara2 3enab we fool madshoosh lezoom el ta3meya (tab3an ana elli 7a3melohom la2en el madam americeyah)..ana walahi maftekershi ay la7zah 7elwah fe masr 7atta lama etgawizt aw lama et7'aragat kan feeh dayman shee2 beynaked 3alayah eih howa? m3arafshi..
ee y3ni??
mafeesh new posts???
الله يفتح على حضرتك يا دكتور محمد
أظرف تفريجة قرأتها حتى الآن
معلش أنا باسميها تفريجة مش تاج
تلقائية وخفة ظل دفعتني لقراءة مدوناتك السابقة التي لم أتشرف بزيارتها من قبل
وجدت عدة أشياء مشتركة منها خيري شلبي والكيت كات وبهاء طاهر وسعيد شعيب بس على القهوة مش في المترو :))
تستاهل 5 لينكات مش واحد يا دكتور
حلوة حكاية المكرونة والفراخ بعد النوبتجية
:)
حاجات بسيطة جدا بتخلي الواحد يحب الحياة ... يمكن الواحد حتى مابياخدش باله منها
شكرا يازعيم على تلبية الدعوة
كلام
أهلا بيك يا باشا....أنا باعتبر ان كره عبدالحليم على (الشهير بالفقرى!!) أهم شرط على زملكاوية الواحد
غادة
فينك و فين بلوجك!!!!!! .....كل ماخش عليه يقوللىpage not found
كمانجة
أديك قلتها....مافيش أحلى من زنقة الشتا،أما علاقته بحب الحياة فإيه رأيك إن من أكتر الأحاسيس اللى بيفتقدها مريض الشلل الرباعى هوة فقدانه للشعور بإنه ملا و عايز يفضى....يمكن زى افتقاده لقدرته على المشى أو أكتر
سونيا
الصراحة أنا عندى سندوتش بطاطس بالطحينة أحسن من سندوتش فراخ بانيه من عند مؤمن (فقرى على رأيك)......أما المخلل و الشاى فأنا مش حاتكلم عنهم....جربيهم كدة زى ماقلتلك و ماتنسيش تدعيلى
شكرا على مرورك اللطيف
كريم
نورت البلوج و شكرا على المرور يا باشا
حلم
و ليه تدورى....اعتبرينى مررتلك الزمبوق.....ياللا قوليلنا إيه اللى بيخلليكى تحبى الحياة!
د.حسين
ربنا يديم رضاه عنا....آمين يا رب
بعدك على بالى
مدونتك رقيقة جدا،و آسف لو كنت علقت عندك باختصار
أما عبدالله كمال (أيديولوجيست هذا العصر) فمتهيألى إن أكثر موقع ممكن الواحد يضحك فيه عليه هوة موقع المجلة
شكرا على الرابط و شرفتنى زيارتك
باتمان
يا ساتر....هوة كويس أنك مبسوط،بس مالك مخنوق قوى كدة من البلد؟؟
أم المريلة الكحلى
أنا مش فاهم الناس كلها مستغربة موضوع البطاطس أم طحينة ليه؟؟؟؟
سايبين البوست كله و ماسكين فى البطاطس!!!!....مين بقى اللى ماشى ورا معدته
:)
نورتى البلوج
ستل بريذنج
معلهش والله الفترة للى فاتت كانت عندى ظروف مش و لا بد....بس فضيت الحمدلله
فيلم69
دة انت تقريبا زيى فى كل حاجة.....ليك فى البطاطس أم طحينة؟
شكرا على التعليق و على اللينك وعلى رأيك
فهرنهايت
ماعليك الا انك تزمبأ و احنا نرد...انت تؤمر يا باشا
إيه في إيه انا البلوج بتاعي سليم والله
حاول تدخل تاني وتشوف السؤال اللي مررتهولي لو معرفتش ادخل عند هوميروس أو كمنجه وادخل البلوج بتاعي من عندهم ومنتظرة الشغل الجديد بتاعك يا دكتور
تحياتي
من اظرف التاجات اللي قريتها
برمي التماسي
yaaaaaah
wallahy 7aseet inik bettkalem 3alya,
ana bardo taleb fi kolyet elteb, we zamalkawy, we bakol elbatates min gheer salata , teheena bas
yaah b2a 3la 7agar mew3asel elsa3a 7 elsob7 fi eskendrya fi yanayer ....
begad mabsoot iny geet hena
tayeb ya seedi.. waiting for sth new
غادة
!!!!أخييييييييرا فتح
شبابيك
دة بس من ذوقك
سيد العارفين
نورت البلوج يا باشا....أهى فرقت على موضوع المعسل دة عشان ماليش فيه خالص
أنا اللى مبسوط بزيارتك
ستل بريذنج
لو تأخرى فى الكتابة هوة اللى حيخلليكى تزورينى كثير كدة ....فانا حاكتب براحتى عالآخر
:)
فعلا؟
انا مستنية بقالي كتير بس مفيش مانع استني شوية تاني
Oh dear..this blog thing is a web..haha..I visit one..and choose another..and all brilliant!
well..another tag I read in 5 min..but I like it so much!!
But the point I wanna stop at...is the article published in Dostoor...and this one I was very much both impressed and struck by it!!!!!
so you are that DOCTOR!!
Let me congratulate you then!
ma3reft 7'eir insha Allah ))
Nice work!! will keep in touch!! ))
el wa7d bas ye7'alas emte7anat weyfadlko ya shabab heheheh))
انت عارف بجد احلى حاجه قريتها فى البوست ده
المشهد بتاع انا شربت حشيش يا سعاد
وفيلم الكيت كات
تسلم يا باشا زوقك عالى
على فكره انا فى طب
يعنى زميل كفاح
ربنا يبسطك يا دوك
و انا ما يرضيثيش أخلليكى تستنى.....أدينى لسة حاطط واحد امبارح أهه
Epitaph
يا ريتنى و الله أستحق نص الكلام اللى قلته، و شئ يبسطنى ان المقال و البوست عجبوكى(عقبال باقى البلوج).....إنما على رأيك يا رب تكون معرفة خير و ربنا يوفقك فى امتحاناتك
metzaky
أهلا بابو زمل
Welcome to the club
أنت فعلا جميل يادكتور
بكلامك دة حسيت اني اعرفك من زمان
أنا مش عارف اقوولك ايه روح ياشيخ
بس مش عارف ليه كلمة اياكش تولع فيها كمية من السلبية أكتر من المنايفه في المنوفيه
انا عايز ادخل في اللعبه
محمود الحصري
romil86.blogspot.com
سلام
خليجى طالب فى جامعة القاهرة كلية الحقوق سنة اولى مستجد يطلب التعارف مع بنت جامعية جميلة ومحتشمة ويفضل ان تشاركنى السكن مجانا للدراسة والسوالف وقت الفراغ بريدى
zawaj2@yahoo.com
lusts2002@hotmail.com
You have an outstanding good and well structured site. I enjoyed browsing through it Used presentation projector asian schoolgirls Keywords backpacking trips rhinoplasty surgeons in michigan 350z license plate frames Fitness rx magazineandwebsite
مدونة تمام التمام وياريت نشوفك عندنا.شاركونا الحملة ضد الهجوم الأسود,ضد خوارج العصر الحديث.
أنت عارفنى وأنا عارفك
إرسال تعليق
<< Home