!!!كل واحد يبص فى ورقته
كلية الشرطة
اختبار الفرقة الثالثة
اختبار الفرقة الثالثة
زمن الإجابة:ساعتان
-:السؤال الأول:اختيار من متعدد
تكررت مجموعة من الانفجارات فى نفس المكان تقريبا و فى أوقات تكاد تكون متشابهة(كالأعياد القومية مثلا)، و لم تستطع بخيبتك الثقيلة أن تكتشف مدبريها....فكيف يا ترى (يا هل ترى) ستستطيع أن تلهى الرأى العام؟
تفبرك قضية مثل قضية دينا و حسام ابوالفتوح-
تخللى وزير ثقافة أهبل يفقع تصريح أهبل فى موضوع أهبل-
تذيع فى السهرة مسرحية مدرسة المشاغبين-
واحد من المعارضة مطلع ميتينك و نازل فيك شتيمة ليل و نهار فى الجرايد....يا ترى (يا هل ترى) تعمل فيه ايه؟
تقلعه سلبوتة و ترميه فى المقطم-
تلبسه قضية توكيلات-
تجيب من الاخر و تحطله طربة حشيش فى المكتب بتاعه-
قاعد سهران نباتشى فى القسم و فاضى...تعمل إييييه؟
تفضى أى ميكروباص ماشى و تطلع بيه مأمورية على دريم بارك-
تستلقطلك أى واحد غلبان معدى فى الشارع و تاخده القسم و تقلعه هدومه الداخلية(أمال هية اسمها وزارة الداخلية ليه!!) و تهرى فى أمه لحد أما مايبانله صاحب
تضربلك سيجارتين حشيش من الأحراز اللى عندك-
ما هو أقرب الأسباب-فى رأيك- لخستعة و تدهور أداء عبدالرسول فى القيام بواجبه الوظيفى؟
نقص الفوسفور-
حزنه على نتيجة مبارة الأهلى و برشلونة-
إصابته بالإسقربوط-
-:السؤال الثانى: اختبار غباء
علمت بقيام إحدى المظاهرات التى تقوم بها مجموعة شاردة ممن طبع السواد على قلوبهم و حقت عليهم لعنة الله و الملائكة و حبيب العادلى....و بالاستفسار عن تعدادها تبين أنها لا تزيد عن ثلاثين فردا(نصفهم من الفتيات)، ثم صدر لك فجأة الأمر بأن تطلع (ديك أبوهم!).....حدد العدد الأمثل للقوة الأمنية المستخدمة مع ملاحظة ألا يقل العدد المخصص لكل متظاهر بأى حال من الأحوال عن خمسة ضباط (من بينهم لواءين على الأقل) و ثلاثين عسكرى و عربيتين أمن مركزى
ملحوظة:لا يسمح باستخدام الآلة الحاسبة
-:السؤال الثالث:التعبير
تخيل أنه فى ليلة حالكة السواد،مدلهمة الطابع،مزمهرة من شدة البرودة،قائظة من شدة الحرارة نسى أحد المرضى النفسيين تناول حبوب الاكتئاب الخاصة به فكانت النتيجة أن أطلق على أحد أبنائه اسم (أبو سحلة!!!)، فما كان من أخينا أبو سحلة إلا أن كبر و ترعرع ليصبح مثار سخرية الرائح و الغادى (تعال يا أبو سحلة،روح يا أبو سحلة).....ثم حدث فى ليلة أخرى (غير الأولانية) محاقية القمر، شديدة الظلمة، بهيمة المنظر، أن قد قام أخونا أبو سحلة بتناول حبوب الهلوسة الخاصة به(أبو سحلة بقى!) فكانت النتيجة أن أطلق على أحد ابنائه اسم (سموءل!!!)....غاية المراد أن قد نشب الأخ سموءل وسط استهزاء الواقف و الجالس (تعال يا سموءل،روح يا سموءل) ،حتى انعدم احترامه و قل شأنه و ضاعت هيبته وسط المسهل و الممسك باعتباره(سموءلا من دون السموءلات!!!)
السؤال هنا....تخيل نفسك هذا السموءل الأبو سحلة،واحسب مقدار الحقد الذى تحمله لهذا المجتمع و كمية الطاقة التدميرية التى تملكها نحو أفراده موزعا إياها عليهم بالتساوى بافتراض أن معدل عملك هو قطعتى كرتون فى...الصفيحة
-:السؤال الرابع:ناقش العبارات التالية
التسليك قبل الفتح: مستشهدا بما قد فعله حضظابط إسلام نبيه عندما قام (بتسليك) عماد الكبير قبل (فتح) المحضر له
تطور أساليب الأمن المصرى: ناقش الفرضية السابقة فى ضوء التطور فى تعامل الأمن مع الجمهور بدءا بورق الكرتون و انتهاء بعصاية المقشة
إدينى فى التيلمانى:هل يختلف (تيلمان) كل شخص عن الآخر،و كيف تستطيع-كضابط شرطة كفء-أن تحدد شخصية المتهم من (تيلمانه)؟؟؟؟
-:السؤال الخامس:القدرات الفنية
ارسم صورة بالألوان لمواطن مصرى يجلس سعيدا فى قسم للشرطة
-:ملاحظة
-:ملاحظة
:لا داعى للإغراق فى التفاصيل حفاظا على وقت الامتحان...فالمواطن داخل القسم لا يتلخص سوى فى مؤخرة و قفا
-:السؤال السادس:الشعر العربى
فلما لاحت لى فى الدجى حمامته.........ظننت كل الظن أن لا حمامة
اذكر اسم الشاعر الذى أنشد البيت السابق و رتبته و فى أى قسم شرطة قيلت،مع تحديد صاحب الحمامة ان أمكن
اذكر اسم الشاعر الذى أنشد البيت السابق و رتبته و فى أى قسم شرطة قيلت،مع تحديد صاحب الحمامة ان أمكن
-:ملحوظة
على الطلاب التوجه بعد أداء الامتحان الى قاعة 3 حيث يوجد مجموعة من العينات للاختبار العملى بواقع عدد:(2) كفاية ،(1)اخوان و(3)أحداث.... و عملا بالحكمة الأمنية التى تقول (سلمنى نضيف أسلمك نضيف) تناشد لجنة الامتحان أبناءها الطلاب ضبط النفس فى التعامل مع الحالات و ذلك لاحتياج الادارة لهم فى امتحان الفرقة الثانية غدا
على الطلاب التوجه بعد أداء الامتحان الى قاعة 3 حيث يوجد مجموعة من العينات للاختبار العملى بواقع عدد:(2) كفاية ،(1)اخوان و(3)أحداث.... و عملا بالحكمة الأمنية التى تقول (سلمنى نضيف أسلمك نضيف) تناشد لجنة الامتحان أبناءها الطلاب ضبط النفس فى التعامل مع الحالات و ذلك لاحتياج الادارة لهم فى امتحان الفرقة الثانية غدا
وفقكم الله و جعلكم ذخرا ذخور لأمن البلاد و سحل العباد
51 Comments:
مش ممكن يا دوك
بجد اسلوبك مالوش حل
ماتبقاش تتأخر علينا في التدوين
تحياتي
واحشنى موت يا بوب.
بس انا خايف تتزنق انت كمان فى قسم النبى حارسه!
يخرب بيت التهييس
أنا هاجبلك البوليس
هاقوله إلحق ابن رمسيس
ده قلعنا بلابيص
وهرانا سبت وخميس
وأكلنا عيش وسريس
وكمان موتنا فطيس
وفتح علينا الهويس
يارب ألطف بالملاحيس
ما تجمعني معاهم لا في مركب ولا قطر ولا أتوبيس
----------------------------
بجد بجد محصلتش
تحياتي
ايه ياولا الحنان ده كله ياولا
بجد مالكش حل
بوست جامد جدا جداجدا
و تدوم خفة الدم و المزاج العالى
تحياتى
البنطلون لأ
طااااااااااااااخ
البنطلون ااه
بجد انا كنت مكتئب جدا لحد ماقريت البوست ده انا حتى قريت بعدها حوالي 10 مواضيع تانيه في المدونه بجد مدونه جامده جدا
انت دكتور ايه بقا؟ عايز اعرف مستقبلي المشرق
علي فكرة في يوم هتموتني من كتر الضحك
الواحد مش عارف يقول ايه بس يلا
اهو هم يبكي وهم يضحك
ههههههههههه
مسخرة كعادتك يا فندم
كثير من الضحك ، وكثير من الحقيقة أيضا
------
تحياتى يا دكتور
بوست حلو.... بس حكاية سموءل و ابو سحلة ده تستاهل عليه تحية كبيرة... بيني و بينك انا اول ما قريت الاسم العجيب ده افتكرته سم فيران.... تحية و تقديرا يا دكترة
أزال المؤلف هذا التعليق.
ممممممممممممممممم
دكتور اووووووه
قصدي مستر
انا مش فاهمه الجزئيه التالته من السؤال التالت ممكن تفهمنا
ههههههههههههههههه
مستر اوووووووووه
قصدي دكتور
يخرب عقلك هفطس خلاص من الضحك
بصراحة اسلوب معبر جدا
واسئلة واقعية جدا
هو دا المضمون حتى وإن كان الظاهر غير كده نهائى
بس اهو إياكش تولع
جاااااااااااااااامدة يا دكتور
شر البلية -بتشديد اللام-ما يضحك
و يا ريت ما تتقلش علينا كل دا تاني
أقول عليك إيه بس؟ الساخر الأكبر؟ بصراحة إنت مشكلة كبيرة مش عاوز ألاقيلها حل.. فعلا قدرتك على السخرية المرة لا تنافس، حاسس إنك ممكن تكتب مسرح كوميدى على أرقى مستوى، نفسى بس متتأخرش كتير كده عن كتابة تدوينات جديدة
تحياتى
إيه ده كللللله يا عم ؟؟؟؟
أتاريك كنت متأخر على ما توصلك نماذج الاختابارات ،،،،، أنا من متابعيـك في صمت فعلاً !! ، وكنت ملااااحظ إنـك طولت الغيبة ......
تحيااااااتي يا دوك :)
والنبي يا دكتور...مفيش استعانة بصديق..اصل السؤال بتاع المظاهرة ده صعب قوي منغير الة حاسبة...تحياتي..بوست مسخرة...
يخرب عقلك بجد ... ربنا يستر عليك وما يعرفوش طريقك والا حيطبقوا عليك الاسئلة عملى سؤال سؤال
تحياتى يافنان
تعرف
أنا عرفت دكاترة حشاشين
و دكاترة بتضرب بانجو
و دكاترة بتضرب ماكس
بس دكاترة صيع ما عداش عليا الصراحة
ناااااااار ياجدع
كل المدونة ناااااااار
انا حستنى الكلام الجاي على احر من الجمر
و مش عارف حاسس انك مش دكتور
ما فيش دكاترة بتتكلم كده
الى الامام يا ابني
بجد بجد محصلتش ...العياده فين بالضبط
لأنى حاسه أنى هاخف من الحساسيه والأكتئاب سوا ... وتكون دى طريقة جديده أنت اللى أخترعتها وتاخد عليها نوبل بدل الطب البديل اللى طالعين فيه اليومين دول ... أنت كان مفروض تكون دكتور نفسانى مش جلديه ، لكن معلش الأمراض الجلدية غالبا نفسية ... وعلشان كده تحولنا لشعب مهراش
كفك يامان
اهي دي الامتحانات العملي اللي بجد مش زي عندنا وعندكم كانو يجيبو امتحان التشريح علي ضفدعه اوجثه
بس سؤال المظاهرة ده حله بسيط جدا وحله معروف بس انت نسيت حاجه في السؤال ده
عدد الكراتين المخصصه لكل متظاهر في الحجز
تسلم لي
k el emte7an da....walahy mesh be3ed yekon 7a2e2a
اكتر حاجة بتعجبنى فيك انك بتباعد بين كل بوست و بوست بس كله فى الصميم
بس
لأ لأ لأ لأ
المرادى تفوقت على نفسك
طول مافى ناس زيك الواحد مايخفش على مستقبل الطب فى مصر
صباحو اولا اهنئك على البلوج بتاعك
فعلا حلو واسلوبك جامد
انا فتحت بلوجات كتير الفتره اللي فاتت لكن بعد البلوج بتاعك حسيت انها عمليه سهله(متفمنيش غلط) فعملت بلوج جديد لي ،،ارجو انك تزورة وتديني ملاحظاتك عليه لو امكن http://elsandmani.blogspot.com/
اظن انك زهقت من التعليقات من نوعية يخرب عقلك ودمك شربات وكل تلك العبارات اللي تستاهلها يازعيم
بوست مجرم وممتع ... وللمصادفة اني شفت من فترة قريبة على يو تيوب كليب تدريب لطالب في اكادمية مبارك بيدربوه على (الطريقة المثلى للنيل من قفا المواطنين) ... بس هذا الامتحان الافتراضي اللي كتبته حدوتة اخرى ... ولنا الله في هذا البلد
وحشتني بوستاتك وقعدتك ... طمنّي على اخبار التسجيل بتاعك
تحياتي يازميل النضال
بجد بوست يجنن و مالوش حل
عودا احمد يا مان
و ياريت تخلص من حكاية الاكتئاب دي
Geno
حضرتك البتاع ده جامد اوى.ده الواحد كان بقاله زمن ماضحكش
حميدو
الله يكرمك و شرفتنى فى البلوج
سمورة حبيب قلبى
انت فين يا ندل!!!....واحشنى من هنا لبكرة
ابعتلى نمرتك
خد بوسة
قنديل
نورت
هشام
خطوة عزيزة
:)
وائل
دكتور جلدية...اما مستقبلك كدكتور فإسود بإذن الله تعالى زى اخواتك الدكاترة
عصفورة الحب
بعد الشر عنك:)
نبيذ
بابا نسمة
واحد مصرى
سجدة
د.شربو
ابراهيم
سكوت حنصوت
شرفتو المدونة و شكرا على التعليق
غادة
عاملة ايه يا جميل؟
طمنينا عليكى كل شوية
جراى
و الله يا ريت استحق نص الكلام دة....شكرا ليك
ست الكل...بعدك على بالى
لا اطمنى من الناحية دى....ماحدش عارف تيلمانى فين
:)
مواطن باكوسى
ماشفتش قبل كدة دكاترة صيع؟؟
واضح انك بتصحى متأخر:)
نورتنى
ايمان عزت
ايه الكلام الكبير دة
:)
على العموم العيادة لسة بدرى عليها بس أول ما تيجى حأقولك:)
شكرا ليكى
هوميروس
حبيبى...فينك؟
على فكرة بتختلف،يعنى كل واحد و ...صفيحته:)
دماغ ماك
نورت يا زعيم
سبيلز...بنت كارى
الله يكرمك...حاكلملك الوزارة تديكى علاوة 5 جنيه عالكلمتين الحلوين دول
فهرنهايت
أخيرا يا عم طمنتنا عليك
و الله احنا عملنا اللى علينا و قدمنا الورق فى الوزارة و الباقى على ربنا
دعواتك
أنونيموس
شكرا يا جميل
ساسو
شرفتنا يا باشا
في سؤال أخير انت نسيته
تعمل ايه لو انت داخل على النت لقيت واحد بيهزأ في حضرتك زي المدونة دي مثلا ؟؟
تقدمه لمحاكمة بتهمة الخيانة العظمى
تعمل له ملف أمنى وتريح دماغك وتستدعيه كل ليله
رسالة إلى السيد المخبر اللي مراقب البلوج :
ما اعرفوش والله يا بيه
ياساتر يارب ...
شكلك بتكره أوي الامتحان ..
ولا شكلك بتكره وزارة التعليم ...
ولا يمكن بتكره وزارة التعليم العالي ...
ولا يمكن بتكره وزارة القوي العاملة ...
بس انسي ... مفيش كليات تاني ... الكلية اللي في بالك دي محدش بيكرها .......
دي كلنا بنمووووووووووووووووووووووووووووووووووووووووووووت فيها ...
بنموت فيها موت يا أخي .....
عماااااااااااااار يا اوكرانيا
وربنا يخلينا وزارة الداخلية
بوست هايل يا دوك وعلى الجرح ودااااس
تحيااااااااااااتى
اجرام بجد
تووووحفة
خلي بالك من نفسك ياعم الدكتور
نصيحة زميل
تحياتي
برافو يا دوك معلش المره الجايه ابقي اقول اكتر من كده شد حيلك يا مان الحمد لله اننا مش عينات الاختبار بتاعة السؤال الاخير
انت بتقول اياكش تولع
ماهى ولعت خلاص
بس بجد جامده
المدونة بجد تحفة
ما شاء الله
اتقرت في قعدة واحدة
ومستني بقى الجديد على أحر م الجمر
لو كررت الكلام انه بوست رائع هحس انى ماضيفتش حاجة جديدة
لكن ارجوك ادخل على مدونتى وهتلاقى مفاجأة مستنياك
مستنيك هناك
اضحكتني للغاية
:)
تحياتي عزيزي
وتحية لقلمك المبدع
لأ حلوه بجد يا ماااااااااااااااان
Http://faramel.blog.com
رائع رائع رائع
انا قريت البوست ده 3 مرات
ووريته لكثير من اصحابي
بالتوفيق والى الأمام
ده حاجه ظريفه خالص
بس بجد برافو علي اسلوب "عرضك" و استخدامك "للالفاظ" مع ربطه بالاحداث اليوميه :))
Keep it up
ارجو ان تنضم الينا في حملة ( افضحوا تجار الكيف )
التفاصيل في مدونتي
سأنتظرك
بوست موز موز الصراحه
بس ده فى سنه تالته؟
متهيألى الحاجات الخفيفه دى فى اولى يا ريس
جامده موووووووت
الله عليك
حلوووووووووووووة
لا بجد مش عارفه ااقولك ايه
45 رد قالوا الى يتقال و زياده
بجد ما احلى الرجوع اليك يا دكتور
دمك يلطش يا مضروب ، ايه ياعم الكلام ده ؟ شوف المرضى اللى بيموتوا وحاول تخفف عنهم اى حاجة
انا دخلت البوست ده كذا مره
وادخل اقرأه واطلع
وانسى اني اعلق
مفيش طبعا غي الكلام الي اتقال
تحففه
وعاوزين بوستات كتير فين من زمااان مشفناش حاجه جديده
بوست وهميييييييييييييييييييييييييي
انا مش قادرة اقولك ازاى كونت بموت من الضحك
انت بجد مالكش حل انا تقدر تقول زى ما يكون كدة ادمنت طريقتك فى التهكم يعنى من الاخر انا من النهاردة زائر دائم لمدونتك
مش ممكن بجد انت مشكله انا وقعت ف الارض م الضحك ههههههههه ربنا يباركلك ف خفة دمك دى
سُئلتُ عن مِصرٍ
مازلتُ أقرأُ في العيونِ الحائرةْ
نفسَ السؤالْ
القلبُ مُنكسرٌ
والصوتُ غاضِبْ
والحالُ نفسُ الحالْ
مازالَ يَقتُلُني السؤالْ
*******
سُئلتُ عن مِصرٍ
لِمَيُمعِنُ السفهاءُ في إذلالِها؟
لِمَجرَّدوها الآنَ من كلِّ المناصبْ؟
صدرَالقرارُ بعزلِها
وهناكَ أكثرُ مِن مُحاولةِ اغتيالْ
فمنالذينَ تآمروا في قتلِها؟
وسُئلتُ عن مصرَ العظيمةِ
والكبيرةِ
والأميرةِ
..
كيفَباعتْ نفسَها ؟
فأجبتُهم
مِنيأسِها
*******
وسُئلتُ عن مصرَ الفتيَّةِ
والغنيَّةِ، والأبيَّةِ
كيفَ تَمسحُ في بلاطِ الأمريكانْ
صِرنا نُقدِّمُ للزناةِ الغاصبينْ
أطواقَ وردٍ
كي نُعبِّرَ عن عظيمِ الشكر
ِفي زمنِ الهوانْ
*******
وسُئلتُ عن مصرَ المعاركْ
مصرَالتي في صوتِها وقعُ السنابكْ
مصرَالحرونةِ مثلَ مُهرٍ جامحٍ
مصرَالعنيدةِ حينَ ترفضُ
والكبيرةِ إن تُشاركْ
فأجبتهم
مصرُالتي في خاطري
ولَّتْ وراحتْ مِن زمنْ
وسَطَ المهالك
وأمامَكم مصرُ الجديدةُ
هاهنا شعبُ القبيلةِ راكعٌ
والشيخُ بارِكْ
*******
وسُئلتُ عن مصرَ الفسادْ
مصرَالتي
..
باعتْ سيوفَ القادسيةِ، والجيادْ
مصرَالتي قد حَضَّرتْ كلَّ العتادْ
وتفرَّغتْ من يومِها
للقمعِ
أوجلبِ المصائبِ للعبادْ
مصرَالتي باعتْ ببخسٍ دورَها
كي يتركوها للحيادْ
والناسُ تَعجبُ
والتعجُّبُ حسرةٌ
للآنَ تعتصرُ الفؤادْ
الآنَصرنا بينَ.. بينْ
لانحنُ مصرُ
ولاغَدونا غيرَها
صِرنامُسُوخًا
مثلماالباغي أرادْ
ويُلقبوننا بالخوارجِ
إنخرجْنا ..
عنتقاليدِ الفسادْ
ياسيدي السلطانْ
شعبٌ بحُكمِكَ قد كفرْ
والكفرُ زادْ
إنكانَ بعدَ الكفرِ ذنبٌ
قُلْلي عليهِ لأفعلَهْ
حتىتَحُلَّ عن العبادْ
*******
وسُئلتُ عن مصرَ الدساتيرِالتي
لاتُحتَرَمْ
فأجبتُهم
كلُّ الذي يُروَى دجَلْ
عن أيِّ دسـتورٍ تُحدِّثُني إذن؟
الآنَ أصبحَ كلُّ شيءٍ مُحتملْ
هم يَصنعونَ لنا القوانينَ التي
فيه اتُباحُ دماؤُنا
ومِنَ البجاحةِ يُقسِمونَ بلا خَجَلْ
هذاأرادَهُ شعبُنا
مابينَ قانونِ الطوارئِ،
والمساوئِ، والتواطُؤْ
سجَنوا القتيلَ لكي يُكافأَ مَنقَتَلْ
*******
هذاالوطنْ
جسدٌ مليءٌ بالعِلَلْ
وطنٌ مليءٌ بالزللْ
هوربعُ قرنٍ أو يزيدْ
صارتْبلادي كلُّها زِنزانةً
والشعبُ أصبحَ مُعتقَلْ
المُرَّ نَشربُ في الصباحِ وفيالمساءْ
والسوطُ في دمِنا مِرارًا يَغتَسِلْ
والظلمُ يجلسُ فوقَ هذا العرشِ يَزهو
والمواشي تَمتثِلْ
حِملٌثقيلٌ كالجبلْ
والناسُ تَصرُخُ: لا أمَلْ
هذاالرجُلْ
..
ماذافعَلْ؟
يومًاتركْناهُ ونِمنا في العسلْ
فإذابهِ اغتصبَ الجميعَ
وماتَوارَى أو رَحَلْ
وإذابحزبِ الأغلبيَّةِ يُعلنونَ على الملأْ
ويُصفِّقونَ ، ويَهتِفونْ
اللهُ أكبرُ قد فَعَلْ
مرَّتْ عصورُ "اللاتِ" و"العُزَّى" بِنا
لكنَّ أَسودَ مِن عصورِكَ
..
مارأينا يا هُبَلْ
لاتَستريحُ ولا تُريحُ،
ولاتَحيضُ ولا تَبيضُ
وكلُّ أيَّامِكْ
"زُحَلْ"
وطنٌ تَعطَّلَ كلُّ ما فيهِ
وأصبحَ مِهرَجانًا للفسادِ وللخَللْ
وطنٌ ويجلسٌ في انتِظارِ المعجِزاتْ
ولَّى زمانُ المعجزاتِ فما العملْ ؟
*******
وسُئلتُ: هل يأتي "جمالْ" ؟
فأجبتُهم: هذا احتمالْ
وسُئلتُ: هل سيُورِّثونْ ؟
فأجبتُهم
هموَرَّثوها يا بِغالْ
ومتىسترجِعُ مصرُنا
يومًا إلينا؟
فأجبتُهم
حتى نُفاجأَ لحظةً
بزوالِ هذا الاحتلالْ
وسُئلتُ في همٍّ، وكَربٍ، وانفِعالْ
بأيِّ حقٍ سوفَ يحكُمُنا جمالْ؟
فأجبتُهم: يا للغباوةِ في السؤالْ
فبأيِّ حقٍّ كانَ يحكُمُنا مُباركْ
حتى نلومَ على جمالْ؟
أنتم شعوبٌ مُستباحةْ
تاريخُكمْ كانَ احتلالاً
في احتلالٍ.. في احتِلالْ
منقول
اسلوب جميل...شكرا
إرسال تعليق
<< Home