كلام مالوش دعوة ببعضه

إشاعة

كنت راكب فى المترو من يومين و سمعت واحد بيقول لزميله:سمعت لبنان حتعمل إيه،فالتانى راح سأله إيه،فراح الأولانى قاله:بيقولك ناويين يعملوا طابع للبنان عليه صورة هيفاء وهبى!!.....و بعدين ماسمعتش باقى الكلام عشان المحطة بتاعتى جت و نزلت بعد كدة

و انا باتمشى سرحت و قلت فى عقل بالى:الله.....و الطابع دة نلحسه بقى من قدام و لا من ورا؟؟

ديالوج

تصدق انك حمار

ليه

أنا مش قلتلك تقولله مايحطش سلطة

قلتله
انت كداب
نسيت يا أخى ....إيه....جل من لا يسهو

امشى ياله روح رجعهم
رجعهم انت

محادثة تقليدية مع أى حد بابعته يجيب سندوتشات بطاطس

أمنية

يا ريتنى كنت الكرسى

قول مأثور لواحد صاحبنا كل أما يشوف واحد جامدة قاعدة عالترابيزة اللى جنبنا

حكمة

العفشجى ماهو إلا ميكانيكى بس فشل

كلمة للميكانيكى اللى باروحله فى محاولة لاقناعى باصلاح المساعدين عنده

مثل شعبى

البضاعة تقعد على الرف تقول نينى نينى......لحد أما ييجى العبيط و يشترينى

مثل عمرى ماسمعته فى أى حتة غير من أمى لما باجيبلها عيش من الفرن و تلاقيه بايت

قول مأثور

!!!آه يا ضهرى

قول مأثور لى لما ضهرى بيوجعنى

نكتة بايخة

بيقوللك مرة عبدالله كمال اشترى مانجة و فتحها، قام لقى فيها واحد إخوانى،قرف قوى قوى.....و أغمن عليه

رأى

و الله إنك لمزة و أمك مزة

قول مأثور للأخ نادر لما يشوف أى واحدة معدية فى الشارع أو فى التليفزيون أو محطوطة فى مجلة،مصحوبا بجحوظ فى العينين و سيلان فى اللعاب و انتصاب فى..........القامة!!

مشهد سينمائى

غور يابن الكئيبة

جملة شهيرة فى فيلم الكيف أتذكرها دوما كل أما أشوف سحنة كرم جبر وهوة بيتكلم فى التلفزيون

أمل كاذب

ماتزعلش يا وائل....لو لينا نصيب فى بعض يبقى لا بابا و لا ماما حيقدروا يمنعوا جوازنا

الجملة المفضلة لأى واحدة تعرف وائل قبل أما تسيبه

جليطة

ملوخية دى و لا مية غسيل

جملة قلتها مرة لوالدة واحدة زميلتنا كانت عازمانا عندها عالغدا،ثم أصبحت مضربا للأمثال يتحاكى به الجميع فى قلة الذوق و الجليطة

تبول لا إرادى

جمال مبارك و هوة بيقرا خطاب بالفصحى

خنقة

!!الله يلعن أبو نظام الكتابة فى البلوجر(مش عارف أضبط السطور)