!!همة يحبوا بعض

هذا البوست تم نشره سابقا فى مجلة برة الصندوق، و اعيد نشره هنا احتفاء بتصريحات الأنبا بيشوى الأخيرة، و باعتبارى (ضيفا) على سيادة الأنبا فى بلاده فإننى أدعو الله أن يديم علينا نعمة علماء الدين (المسلمين و الأقباط)....فنحن لا نستحق غيرهم!

كتب جمال جرجس المزاحم لليوم السابع

وزعت مصادر مقربة من الكنيسة رفيعة المستوى مقاطع فيديو تم تصويرها للسيدة كاميليا شحاتة زوجة كاهن دير مواس والتى أثير بسببها جدل كبير مؤخرا حول ما إن كانت أعلنت إسلامها أم لا، وتظهر كاميليا فى الفيديو الذى وزعته المصادر الكنسية لتؤكد أنها باقية على ديانتها دون تغيير، وتظهر فى الفيديو وخلفها صورة السيد المسيح، وتتحدث لمدة 11 دقيقة، وتروى قصتها بالتفصيل.

ونفت كاميليا أنها قد تعرضت لأى نوع من الضغوط أو التعذيب من جانب الكنيسة، فالكنيسة -حسبما قالت- تحمل لواء المحبة، ومن المستحيل أن تتعامل مع رعاياها بهذه القسوة، كما أكدت تمسكها بحياتها الأسرية والاجتماعية مع زوجها القس تداوس سمعان وابنها أنطون.التعليقات

(1) كبسة
بواسطة: كيرلس - الوايلى

هاهاهاهها.........كبسة يا مسلمين

(2) فبركة

بواسطة: الصارم البتار – مصرى مقيم بالسعودية


بقى بالذمة الكنيسة مش عارفة تجيب دوبليرة شبهها، طب احترموا عقولنا شوية.....جتكم خيبة

(3) العبوا غيرها

بواسطة: البنهاوى - بنها


قديمة......الفيديو متفبرك و الفبركة واضحة، كاميليا أسلمت و ربنا هداها للإسلام

(4) ملاحظة

بواسطة: دكتور ميشو- 6 شارع المحطة


يا جماعة بس عشان ماحدش يفتى، كاميليا ما أسلمتش لكن هربت من جوزها عشان هوة ما بيعرفش، لحد ولاد الحلال ماجابوهولى العيادة (6 شارع المحطة) و رجع زى الأول و احسن عشان كدة هية رجعتله

(5) إن الدين عند الله الإسلام

بواسطة: الشيخ هؤة


بسم الله الرحمن الرحيم

قل يا أيها الكافرون، لا أعبد ما تعبدون، و لا أنتم عابدون ما أعبد، و لا أنا عابد ما عبدتم، و لا أنت عابدون ما أعبد، لكم دينكم و لى دين.

صدق الله العظيم

(6) الله محبة

بواسطة: الله محبة - الخطاطبة


الله محبة

(7)رسالة

بواسطة: ربنا ياخدكم - امبابة


و مادام هية ما أسلمتش، الفيديو ليه استنى ليه لحد دلوقت

انشرى يا يوم يا سابع

(8) إلى عباد الصليب – ستة أكتوبر

بواسطة: أبو مهند المصرى


بإذن الله كاميليا هتطلع مسلمة كيدا فى النصارى و اليهود
(9) إلى تعليق رقم 4

بواسطة: تعبااااااااااان – الصف


حضرتك بتفتح الخميس يا دكتور ميشو؟؟
(10) واكاميلياه

بواسطة: أحمد محمد - دمياط


اللى فى القلب فى القلب يا كنيسة!!
(11) هع

بواسطة: الراعى الصالح - الزيتون


أهه ما أسلمتش أهه....بتحطوا نفسكوا فى مواقف باييييييييييييييييييييييييييخة!!!


(12) شهادة حق

بواسطة: شاهد حق- جنب المحكمة


يا جماعة أنا مراتى كانت مع كاميليا فى الشغل و قالت انها اسلمت قدامهم و نطقت بالشهادتين.....دى كانت حتى بتصوم الاتنين و الخميس

(13) جروب

بواسطة: سامح – بنى سويف


لكل المسلمبن: ساعد أختنا كاميليا و انضم عالفيسبوك لجروب: لو بقينا مليون واحد.....الكنيسة هتسلم كاميليا للأزهر

www.facebook.com/****************


(14) يا مسلمين

بواسطة: كريستينا - مطروح

الحمد لله على نعمه المسيحيه ونعمه الايمان بالله الواحد خالق السماوات والارض وكل شىء ربنا والهنا ومخلصنا يسوع المسيح له كل المجد والذى سيأتى ليدين الاحياء والاموات فى يوم الدينونه العظيم


(15) مع المسيح ذلك أفضل

بواسطة: مارى جرجس – آخر عباس


دلوقت هيقولوا انها سجلت الفيديو دة تحت التهديد.......ربنا يشفيكم


(16) الى جمال جرجس مزاحم

بواسطة: مفتح - سنورس


كل الأخبار اللى بتجيبها طائفية.....مانت جرجس بقى!!


(17) ماشى يا نصارى

بواسطة: لا إله إلا الله – طوابق فيصل


أمال فين نجيب جبرائيل ما اتكلمش ليه هوة كمان بالمرة، الله يرحمك يا سادات .....انت اللى كنت معلمهم الأدب!!!


(18) فى الأصل دى بلدنا!!

بواسطة: فرعونى - طموه


صحيح.....البلد بلد أبونا و الغرب يطردونا

اختشوا يا مسلمين

(19) اللى اختشوا ماتوا

بواسطة: مار جرجس - اسكندرية


نقوللهم ما أسلمتش ما يصدقوش، نجيبلهم فيديو يقولوا متفبرك، و لو طلعت عالهوا فى ميدان عام تقول انها مسيحية هيقولوا اتعذبت......اختشوا يا مسلمين!!


(20) استغراب

بواسطة: مستغرب - المعادى


أنا ليه كل أما أكتب رد مش بيتنشر.....هية دى الديمقراطية يا يوم يا سابع!!!


(21) قصيدة

بواسطة: أبو أمل - اسطنها


يا كاميليا ياللى ربنا هداكى

انتى تمشى و كلنا وراكى

سيبك من شنودة و من اهلك

و فكك من ابوكى اللى رباكى

انتى كنتى مريضة و منسية

و بالاسلام ربك و ربنا شفاكى

لو البابا حبسك و لطشلك

و عالنار السخنة سواكى

ما تسيبى دين الله أبدا

و لو بالجزمة القديمة اداكى

دة انتى كنتى رايحة فى جهنم

لو اتشويت العمر كله ما كفاكى

ياللى بالاسلام كمل اسمك

كاميليا زى ما ابوكى سماكى

(22) دقيقة أجيب الفيشار

بواسطة: ليشع – تل أبيب


معلهش اصلى جيت متأخر.....انتوا وصلتم لحد فين؟

(23) للتعليق رقم 21

بواسطة:نادر لطفى مقار - شبرا


هوة فيه نار باردة يا اهبل يا ابن الاهبل!!!!

(24) يا ناااااااااس

بواسطة: مصرى


البلد بتغرق و انتم فى واحدة أسلمت و لا لسة ما أسلمتش يا بقر!!

(25) اشربوا

بواسطة: مدد يا عدرا – ميت نما


اشرب يا حوينى، اشرب يا صفوت يا حجازى، اشرب يا حسان


(26) كبسة

بواسطة: مسيحى


طلعت مسيحية أهه......فلفل شطة!!


(27) قصيدة

بواسطة: شندى


سيبيكى من جمعتهم و رمضانهم

و على صيام العدرا خلليكى

و من عشاهم و تراويحهم

و قماش عالراس يغطيكى

و خلليكى فى مذبحنا و كنيستنا

و مية مصلية ترويكى

و عيد قيامة و كريسماس

و ثالوث مقدس بيحميكى

و اللى مش عاجبوا يفارقنا

دى بلد ابونا اللى بانيكى

على سهوة طبقوا على نفسنا

بضغط و سكر و سعال ديكى

ماعدش رضاهم يهم يا كاميليا

قوليلنا انتى بس اللى يرضيكى

(28) فكوا العانى

بواسطة: مسلمة
نرجو الله أن يفك أسر المسلمين و المسلمات المحتجزين فى اقبية أديرة النصارى و أن يردهم لنا مردا جميلا

(29) يا دكتووووور

بواسطة: تعبااااان


يا دكتور ميشو العلاج ماجبش نتيجة خالص و مش عارف أخش البيت......انت متأكد ان كاميليا رجعت لجوزها؟؟؟

(30) هههههه

بواسطة: محشش - الضاهر


ترزى سأل زبون : بتاع حضرتك لما بيقف بتحطه في رجل البنطلون اليمين ولا الشمال عشان اعمل حساب الوسع، فالزبون قالله: ياسيدي بس هوه يقف وانا احطه على راسي من فوق!!

هههههههههههههههههههههههههههههههه

(31) الى التعليق رقم 27

بواسطة: رافع – منيا القمح


الواد شندى اللى عمال يتكلم عن الكنيسة و العدرا دة من بلدنا، و كل يوم نجيبه سكران من جنب الوابور

(32) معاكى يا الخضرا

بواسطة: مهدى الجزائرى

هكذا يفعل الله بكم يا مصريين من ساعة ما ضربتم الأتوبيس

(33) صبرا يا أولاد شنودة

بواسطة: عاشقة النقاب - كرداسة


لم يحتمل النصارى أن تنكشف كذبتهم فقاموا بتسليط صبيانهم فى التلفزيونات الحكومية لاقناعنا بصحة هذ الشريط بعد أن تزلزلت الأرض من تحت أقدامهم....صبرا

هل صلب المسيح حقا!!!....للتعرف اضغط على الرابط

www.we7da-watanyya.ho2.he2

(34) مسلم

بواسطة: مسلم- أبو وافية


الحمد لله و الله أكبر، النهاردة كاميليا، و امبارح مارينا فتاة الاسماعيلية، و بالأمس القريب كانت وفاء قسطنطين....لقد دنى أجل المسيحيين فى مصر

(35) ......

بواسطة: مرتضى منصور – أى ستوديو


أنا معايا سى دى يثبت ان كاميليا أسلمت و سمت نفسها الخنساء شحاتة، بس مستنى أنزله قبل انتخابات النادى

(36) الى تعليق رقم 27

بواسطة: أول فيصل - فيصل


أنا هاطلع ...أمك يا شندى

(37) الى التعليق رقم 36

بواسطة: شندى


دة انا اللى هاطلع تلاتة....أمك، لو راجل و أبوك راجل و أمك راجل ورينى نفسك

(38) امتى؟؟

بواسطة: وائل – جسر السويس


ولاد الذينة بالعين البلد باللى فيها و واخدين فلوسها فى عبهم، مكوشين على تجارة الدوا و الدهب و مش سايبين حاجة للمسلمين....عايز أعرف امتى المظاهرة الجاية عشان نطلع ميتين أم الكفاتسة دول!!!

(39) الى الأستاذ المحترم وائل رقم 38

بواسطة: عبد الله- - الباجور


أحب أضيفلك يا أستاذ وائل انهم مش بيرضوا يشغلوا مسلمين، و هتلاقى كل المحلات و الشركات بتاعتهم مقفلة عليهم، حتى اللى بينضفوا الكابينيهات لازم يكونوا تلاتة ريشة!!!

المسيرة الجاية ان شاء الله هتبقى بالمصاحف و هتطلع بكرة بعد العشاء من جامع أبو الليف اللى قدام كنيسة أبو الليف

(40) نداء لأبناء يسوع

بواسطة: بيشوى- حلوان


كدة كتير!!!

الكشح و سكتنا، نجع حمادى و سكتنا، تعيين فى الشرطة مافيش و سكتنا، محافظين مافيش و سكتنا، حملات أسلمة و سكتنا.......من النهاردة مش هنسكت خالص!!

لازم نجمع كل المسيحيين اللى فى مصر و فى العالم فى مسيرة هنا عشان نوريهم الاضطهاد اللى احنا فيه، و نرجع حق البابا اللى اتشتم عينى عينك فى الشارع


(41) أحد أبناء يسوع.....حول

بواسطة: تاضرس فلتس فلقس المفلقس – كندا


الأستاذ المحترم بيشوى رقم 40.....احنا فعلا و احنا فى كندا هنا هننظم عندكم مسيرة مليونية بالشموع و الصليب هتطلع بكرة من كنيسة أبوالليف اللى قدام جامع أبو الليف على بالليل كدة.....يا ريت حضرتك تشرفنا


(42) واضح!!!

بواسطة: أحمد الزنانيرى – الغربية


يا جماعة أراهنكم بميت جنيه كاميليا دة مسجلة الفيديو و هية تحت تعذيب.....البت واضح انها متكهربة!!

(43) ارحمونا!!

بواسطة: سالم – عزبة النخل


الله يخرب بيوتكم....البلد لا فيها كهربا ولا مية و لا غاز و لا عيش و لا صرف و لا شغل و لا فلوس و لا شقق و لا جواز و لا علاج و لا زفت، و انتم بتتخانقوا على واحدة أسلمت و لا لا!!!!

الله يخرب بيوتكم

الله يخرب بيوتكم

الله يخرب بيوتكم

الله يخرب بيوتكم


(44) إلى تعليق رقم 42

بواسطة: محمود الجزار – عزبة الجزارين

عليا بميتين جنيه الولية دى مش كاميليا، بص المناخير....بص المناخير!!!


(45) الله يخرب بيتك يا دكتور ميشو!!!

بواسطة: تعباااااااان – الصف


يا جماعة انا باقوللكم الفيديو دة متفبرك و كاميليا استحالة تكون رجعت لجوزها عشان أكيد ما خفش......أنا مراتى هربت امبارح

(46) إلى تعليق رقم 44

بواسطة: وليد – جنب مسرح البالون

برنس و الله


(47) Secularism

بواسطة: ليبرالى – قهوة البورصة


العلمانية هى الحل، و حذف المادة الثانية من الدستور و الغاء خانة الديانة من البطاقة


(48) عيب عليكم انتم الجوز

بواسطة: تامر – فوق بينوس المعادى


عيب عليكم يا جماعة، احنا مسلمين و مسيحيين اخوات من زمان واكلين شاربين نايمين متهزأين متمرمطين شاحتين منفوخين مع بعض


(49) الرب راعى فلا يعوزنى شئ

بواسطة: يوأنس متى– ميت غمر

إما وريناكم ياولاد الصرمة، ما ينفعش معاكم غير أمريكا هية اللى معلماكم الأدب

(50) اللهم صلى على محمد و سلم

بواسطة: عبدالله الأشوح – قنا


دة انتم هتشوفوا ايام زى وشكم يا ولاد القديمة، ما كانش ينفع معاكم غير السادات اللى كنتوا بتعملوها على روحكم قدامه
(51) - .......

بواسطة: حسنى مبارك - المستشفى العالمى

هع هع هع هع هع